RADIC - 1. Utangulizi wa Huduma za Utengamao Kidijitali
Sura hii inatanguliza dhana ya Huduma za Utengamao Kidijitali, ambayo ni njia ya kutoa huduma za utengamao kwa kutumia teknolojia. Tutajadili jinsi ya kutumia programu, kompyuta na zana zingine za kidijitali tunavyoweza k. m kuongeza ubora wa huduma za utengamao na kuboresha upatikanaji wa huduma, na vipengele muhimu vya kuzingatia kabla ya kufanya Huduma za Utengamao Kidijitali. Pia tutaangalia, kwa usaidizi wa mifano madhubuti, jinsi teknolojia hizi zinavyoweza kusaidia wateja na wataalamu wa huduma za utengamao, kurahisisha mchakato na kulengwa kwa mahitaji ya mtu binafsi.
Lengo la sura hii ni kueleza mada zifuatazo:
Baada ya kupitia yaliyomo katika sura ya 1, unaweza kufanya mazoezi ya kuimarisha ufahamu:
Mazoezi
Mazoezi 1.
Fikiria ikiwa tayari uliwahi kutumia Huduma za Utengamao Kidijitali. Ikiwa ndio, tafakari kama ni katika muktadha upi, teknolojia gani na ilitumika katika awamu gani ya huduma za utengamao.
Mazoezi 2.
Fikiria kuhusu manufaa ya Huduma za Utengamao Kidijitali /uwekezaji dijitali katika mfumo wa huduma ya afya katika nchi yako na ujadili hili na rafiki au mwenzako.
Muhtasari
- Huduma za Utengamao Kidijitali ni zaidi ya kuongeza teknolojia katika huduma za utengamao. Huduma za Utengamao Kidijitali zinamaanisha kuwa mchakato mzima wa huduma hizi unaweza kuendeshwa kidijitali.
- Uwezo mkubwa wa Huduma za Utengamao Kidijitali katika sehemu zenye rasilimali ya chini ni kuboresha ufikiaji wa huduma hzi katika sehemu hizo.
- Faida zaidi za Huduma za Utengamao Kidijitali zinahusiana na kupungua kwa gharama na kuboresha matokeo ya huduma za utengamao. Kwa mtazamo wa wateja, manufaa yanaweza pia kujumuisha kupunguza unyanyapaa, kupunguza gharama za usafiri, huduma za utengamao zilizobinafsishwa, uwezekano wa kusaidiwa na marafiki na ushiriki mkubwa katika huduma za utengamao.
- Ufaafu wa Huduma za Utengamao Kidijitali lazima utathminiwe kando kwa malengo, mahitaji na uwezo wa kila mteja. Huduma za Utengamao Kidijitali zinaweza kutumika katika hali nyingi lakini hakuna inayolingana na masuluhisho yote.
- Ingawa kuna faida nyingi kwa wateja, watoa huduma za afya na mifumo ya afya, utekelezaji wa Huduma za Utengamao Kidijitali katika KJSA bado uko chini. Ili kupata maelezo kuhusu mambo ambayo yanaathiri utekelezaji wa Huduma za Utengamao Kidijitali, nenda kwenye sura ya 5.
- Kwa sasa teknolojia zinazotumika mara kwa mara katika eneo la KJSA ni arafa, programu, na majukwaa ya msingi wa wavuti.